Day 1
邊有諗過自從2019年12月去完鹿兒島之後，要三年後先有機會再去旅行！今次係跨年之旅，本來係唔想去，
只不過假期問題和種種原因，令到今日12月31號搭飛機去日本！因為跨年一般來講都冇乜商店會開，
所以都有啲擔心！不過三年冇旅行又真係好想去，所以都唔理得咁多啦！
因為張信用卡可以入去lounge食嘢，咁梗係唔好曬啦！
款式唔算多，味道都算正正常常，唔使錢就唔好咁多要求~~~~
仲有VSOP飲～～～正
係日出唔係日落~~~
今次搭CX！去程係用積分換機票，仲坐商務添！回程係用錢買，坐經濟位！
次係我第一次搭商務位，咁大個人先第一次真係有啲尷尬😅
味道都OK～～
東京～～～三年沒有踏足的土地，日本日本我來了✌️✌️✌️✌️✌️✌️
到咗成田機場後我哋行出去室外，去6號巴士站
今次煮的酒店在東京站，大約1小時車程就到很方便！
1300円~~~
話咁快就到左東京站，估唔到12月31日仲有紅葉🍁
之前訂酒店時，以為同東京站好近，原來要行10至15分鐘步程~~
Mitsui Garden Hotel ~~
酒店有關的詳情就唔講啦，大家都知東京嘅酒店好極都有限~~
酒店外街邊有依啲花槽，香港都要學吓，感覺好自然又靚~~~
日本嘅特別之處，係乜嘢都靚，連水渠蓋都靚過人~~~
Check in 酒店後，都四點後了，開始日落，我哋去池袋食第一餐
因為張西瓜卡好多年冇用，所以去Information Centre 搞下
話咁快就到咗池袋啦，真係天都黑埋先至食第一餐~~~~
依間小店在後巷裡面~~~~~~~~
一間食鰻魚的餐廳，在香港已經訂了位，現在是5:30pm，希望味道不錯👍
店舖不算大，原來還有樓上2樓~~~~
對我依啲煙民嚟講最重要就係有煙灰缸~~~
味道不錯的餐前小食，每張枱都會有～～
主角出場～～鰻魚玉子飯！基本上我食鰻魚只會在日本食，因為香港的鰻魚一般都煮得麻麻地
八爪魚～彈牙，唔錯唔錯~~~
串燒燒鰻魚和串燒蒲汁鰻魚~~~~~
飯後在池袋周圍行吓，基本上只有食店和夾公仔機店有開門~~~~~~
只用左300円就夾到依隻馬仔~~~~~
池袋只有餐廳開門冇乜嘢好行，所以轉去新宿行吓~~
新宿站見到有呢個鮮花販賣機，其實唔係新產品，不過唔知點解好吸引我停低逗留望吓
新宿比池袋好少少，起碼adidas有開門~~~~
今日係除夕，嚟到東京當然會玩下倒數啦！本來想去寺廟倒數，但最後決定選擇比較熱鬧的渋谷~~~
我哋大約11:15到達渋谷，已經非常之熱鬧！
渋谷的斑馬線係好出名的，每當行人綠燈亮起時，就有無數人沖去馬路中心大叫，然後紅燈時大家就會返上行人路，
有氣氛得來又好有秩序~~~
到了接近凌晨12點，真係多人到不得了！極級熱鬧，好有過年氣氛~~~~
倒數結束後我就上了地鐵返去東京站，因為酒店旁有間牛丼是廿四小時營業，入去食咗個牛肉飯做宵夜
玩到依家都半夜兩點左右了，非常攰，玩完又食飽返酒店瞓覺休息啦！
Day 1完結
留言列表
