Kennethsyc的旅遊部落

Day 1 -東京

依個trip嘅出現係因為我地結婚十週年紀念，正好就係出發當天~~~~~

依家去到機場通常都會去lounge，又慳返一餐~~~~

今次都係CX，今朝6:00am 已經到機場，成晚好似只訓左2小時左右，好攰~~~~

到咗成田空港，通常我都係搭巴士去酒店

今次住涉谷站，我印象中都試過認真行涉谷~~~

拖住行李行咗大約15分鐘先至到酒店，好辛苦

SHIBUYA TOBU HOTEL

房大約有215尺，在東京來講都算大啦！不過住一晚only , 冇所謂啦~~~~

氣溫約20度，但係房間冇冷氣，職員叫我哋開槍，但係個窗只開到一吋咁多多，成晚都好熱~~~

在網上好多人都話呢間和牛放題好好食，又係在涉谷咁就腳，決定今晚dinner喺度食~~

依D肉係假的，裝飾用途！

依間吸煙房唔好睇佢細細間原來裏便抽風非常之好而且好涼爽一啲都唔焗~~

拿到位後用QR code 落單有關前菜！拿牛肉和飲品就自己出去拿~~

和牛款式唔多，而且比較肥！普通牛肉就有十幾款，算OK啦~~~~

飲品反而有啲驚喜，除咗汽水外仲有好多款有酒精的飲品，任飲的~~

牛肉食得多好油膩，叫個咖喱飯中和返~~

2人 15960円，算ok 啦！不過下次唔會再嚟~~

食飽後四圍行吓，又去下藥妝~~

見街上有YouTuber 訪問2位遊客，不過見佢好似訪問咗好耐~~~~

仲有小肥羊，好耐冇食過了~~~~

行行吓去咗激安，依間係全日本最大的激安，買咗好多嘢記得要Tax Free~~~~~

去日本，唔知點解鍾意凌晨時分去食拉麵~~

唔知係橫濱拉麵嘅問題定係依間舖頭問題，好鹹好重口味，叉燒比較硬，好辛苦才食完一碗~~~~

半夜1:05am返酒店，酒店冇冷氣，好熱，最後5:00am先訓得著~~

Day 1完結