Day 1
今次係疫情後第三次去旅行，今次都係同呀媽去，見到HK Express 有平機票，加埋行李約$1700 per one , 而且清邁又未去過，咪去下囉！
約3小時，終於到清邁啦⋯⋯
酒店位於古城，約15分鐘車程，依個的士站話200B，都算合理
幫我拿行李🧳又搬埋上車，有service👍👍👍
仲有收據俾番你添⋯⋯
之前都聽過，清邁的租車係好大架，但估唔到可以坐12人
出發✌️✌️✌️✌️✌️
傍晚時間31度，其實都預咗，熱和曬都算，希望唔好落雨，因為全部行程都係outdoor
間房係有D問題，不過留返一陣先講，依部冷氣真係怪怪地，點都較唔到COOL！
去Front Desk問咗職員，原來要職員入房調教下先至有！好奇怪！
房咭得1張，即係每次返酒店先可以開冷氣，問題係每日30+度，仲要部冷氣凍得慢，咁我去Front Desk 問可唔可以要多一張咭，
佢話100B deposit 就有！掂！立即pay!!!
拿完房大約7:30PM，跟住出街行吓和食dinner，嚟到Sunday Night Market 果條街，亦都係古城最旺果度，酒店行去約7分鐘！
古唔到大街大巷有棵芒果樹！
街上每一小販檔都係賣依D花，每店都一模一樣，唔知發生咩事！🤔🤔🤔
好多本地人買花後入廟拜神！夜晚去拜神？？？
我估可能剛剛泰國選了新總統，大家去求神掛！（我估）
你有你拜，我有我行街，嚟得旅遊梗係要乜都睇吓！
放生雀仔依D風水野招數都有👍👍👍
街上2旁都係小販檔
行咗一陣間已經見到有2間日本餐廳
依間小店都幾多Homemade的小型擺設品賣，我問了老闆佢話唔係佢親手做，只係入貨賣
來到接近北門附近，依間餐廳在網上都算多人好評，同埋係米之蓮，點知full咗，原來要預訂！咁算啦，食其他嘢啦！
我哋之後隨意地揀咗一間有冷氣嘅餐廳........Musashi Sushi Bar
入咗嚟先知原來係一間日本Fusion餐廳，老闆係日本人亦都係廚師.......
店舖唔大，估計只坐到24人左右.........
吞拿魚他他，好味👍👍
唔記得乜嘢炒麵，分量比較少，味道正正常常
軟殼蟹沙律, 超好味
3食物2飲品，埋單542B，超抵食😍😍😍😍😍😍
食完咁抵食嘅晚餐，繼續行街........
好地道嘅雪條一支，10B
唔知點解全部都係賣食物嘅小販，並冇乾貨賣.........
行吓行吓發現咗一個小型夜市，夠地道又平又多選擇☺️☺️
返到酒店，要講下依間酒店房的問題！
廁所門係冇玻璃的，即係有人屙屎在房裏面都會聞到！🙈🙈🙈
mini吧、熱水壺、茶杯、衣櫃，唔知點解全部喺廁所裏面😩😩😩
只要行近廁所門就可以清楚見到同房朋友在沖涼😑😑😑
床單有明顯污跡，竟然可以繼續比客人用................
Day 1完結
留言列表
