Day 5 - 大阪(環球影城)
今日真係好痴缐，4:30起床，為了去環球影城~~~~
我老婆辛苦地比我早1小時起身落街買早餐，然後我哋吃完早餐後便出門口！
梅田去環球影城其實唔遠，印象中搭了30-45分鐘鐵路就到~~~~
去到門口是大約8:30，今日9:00開門！我哋買了fast pass ，剛是fast pass 已經大約HKD2000，超貴~~~
在外已經見到有過山車，玩家不停尖叫好有氣氛~~~~
終於可以入場了，我哋第一站先去孖寶兄弟，雖然有fast pass，但係早啲去攞位可以進入這地區多一次
Fast pass 就係在指定時間，可以玩4個game，最重要係不需要排隊！
基本上如果要排隊每個game要排一至兩小時！即係慳咗最少4小時以上的時間
去到任天堂世界門口，會見到呢個牌的QR code，掃描吓我會出現一個時間，
沒有fast pass的朋友可以根據這個時間便入場！不用在門口排隊~~~~~~~
入到任天堂世界，真係脫離咗現實，靚到唔識形容！
見人少少我哋就立即搵咗game來玩~~~~
大約排了10分鐘就到我哋啦！呢個遊戲只係坐喺架車上邊喺任天堂世界裏面不斷兜圈同遊覽車的道理一模一樣~~~
下圖係玩乜嘢㗎呢？入場門口或者任天堂園區內都有手錶賣，
這手錶就好像我們打機的時候頂個上來取金幣一樣會有啲叮叮聲~~
呢個遊戲我哋有買拍fast pass，晏啲再來玩到時候唔使排隊~~~~
依間餐廳要排隊1小時，所以我哋放棄左!!!!!!!
依家時間係大約11:30，雖然冇去餐廳，但係有小食店有外賣可以買！
臨離開任天堂世界之前，當然要睇吓啲紀念品啦！真係唔買都睇吓，真係好靚！
離開咗任天堂世界後，我哋隨意在街上的小食部買咗啲嘢食！左邊簡單來講係麵包裏面係香腸，忘記了叫什麼名！
不過味道唔錯同埋比起香港迪士尼價錢親民好多好多好多！兩樣嘢好似係800円 or 1000円
然後去咗做侏羅紀世界玩飛翼恐龍遊戲！呢個game可以話係全個環球影城最刺激的，
以前試過玩玩下途中機件故障把客人停留咗在空中！事實上我都好好運，一星期後新聞話這個遊戲又出事！
再跟住玩另一個遊戲，忘記了名而且途中是不可以拍照，大約是坐在船上面蒜頭的，又會不斷講嘢好似好驚險咁！
然後身邊海上有地方會着火又會有鯊魚跳出來！其實香港迪士尼也有一模一樣的！
四圍行吓之後再去從天堂世界，因為有花花所以今次直接玩遊戲不用排隊！
這個遊戲很多人玩如果沒有fast pass要排隊最少1小時以上！
一路行去玩遊戲的位置，全部裝修都好靚~~~
上車後遊戲開始啊，大約係沿途會有唔同嘅事物出現然後揸住把槍射攞分數！不過最高分都是沒有獎品的~~~
離開任天堂後走上大街，剛好是花車巡遊的時間~~~
之後去小黃人區域，又係好靚， 不過任天堂世界比較出色啲~~~
都肚餓了，想搵一間餐廳正正經經坐低食飯！小黃人區域門口就有一間，
排隊約15分鐘就可以入場~~~~~
今日食日本野！
4個人，算平啦~~~
食飽後餐廳隔離剛剛好有小黃人同大家影相~~~~
小黃人有兩個遊戲玩！第一個係fast pass包埋嘅，但係未夠鐘所以我玩另外一個，
大約排隊15分鐘左右！唔算排得來~~~~~
之後我就憑fast pass進入依間屋，等候時間約65分鐘！我哋就當然係直衝入去啦~~
遊戲主要係講首先要扣好安全帶然後望住個畫面好似睇電影咁，跟住小黃人會飛來飛去同埋有一啲故仔大約5分鐘左右就完！
其實香港迪士尼都有類似嘅嘢所以我覺得冇乜特別~~~
玩完遊戲就四圍行吓之後我哋去蜘蛛俠，因為都係fast pass之一~~~~~~
蜘蛛俠係fast pass嘅其中之一，玩的遊戲同頭先小黃人大同小異都係一啲4D效果！視覺上會覺得驚險刺激~~~
最後去到哈利波特區域，原來哈利波特不論外型上嗰個遊戲係全個環球影城最靚最好玩最number 1的~~
有霍格華茲的校服買~~
依度係參考哈利波特買權杖的小店~~~~
超級無敵靚的霍格華茲在面前~~~
跟住我哋進入霍格華茲玩最後一個fast pass的遊戲~~~
首先要將身上所有物件放入locker~~~~~~
呢個遊戲比較特別係四個人坐一架車，但係事先不是向前望而係打橫望，中途車行當然會開快和慢的速度，
然後我會將個人大約70度倒轉，而且去到某個區域就好似係裏邊有好多魔鬼靈魂喺你身邊飛來飛去，
不是看着螢幕飛來飛去而係一個實物在你面前飛來飛去！突然佛地魔會喺你面前出現， 而且係超近距離！
我去過唔同嘅迪士尼同埋星加坡環球影城！依個遊戲真係最好玩!!!!!!!!
玩完後我哋再去買紀念品店行多一陣就離開環球影城啦~~
大約六點我哋就離開啦，大家都好攰，走嘅時候大家都冇乜點講嘢，今次真係玩足一日~~~~
我外母和姨仔買咗啲小食返酒店食當係晚飯！我和老婆就好想食拉麵所以去咗附近的一間拉麵店！味道唔錯！
今日行了27,000步，攰～～～
Day 6(回港)
第二朝5:30便要起身，今日要回港啦！好彩今次係搭Business Class，所以有lounge免費享用！
同埋坐Business class回港原來檢查時係可以不需排隊，直接排第一位，好正！
Day 6完結
留言列表
