Day 4 - 河口湖
今日7:00am起身，因為訂咗7:30am食早餐~~
早餐在2/F食的，一早已經預備好每張枱的房號~~
同我預計差不多，非常豐富，最後都食唔晒~~
昨天到達酒店後一直下大雨，天文台話今日中午前下雨！睇吓D天色和煙霞，都知道就算唔落雨都會能見度低！
河口湖最出名就係富士山，預計都唔會見到~~~
約8:30am出發開車去第一個景點！本來係想去天上公園，但係實在太大冇預計係睇唔到富士山！所以skip咗呢個行程
第一站去大石公園，約15分鐘車程！我知道9:00am開始營業，時間啱啱好~~~
河口湖的景點一般泊車都係免費的~~
型👍👍👍
海邊好大風，依家大約係10度，加上海風真係好凍！睇完花睇完海之後就入去室內睇紀念品~~~
買咗唔少嘢，跟住再去下站~~
20分鐘後就到達第二站！西湖 療癒之里 根場
停車場旁依D小食店，生果店都幾吸引~~
沿途行去景點，原來有好多棵櫻花樹，而且在盛開中！今次係我第一次睇櫻花🌸！有運
買完門票後正式入場啦~~
河口湖係我第二次嚟，呢個景點以前都嚟過一次！不過今次有櫻花所以比較有新意~~
臨上車前見到有番薯🍠賣好似幾好食~~
沿途見到買士多啤梨🍓，返到酒店後食真係幾好食喎
去到今日第三站，忍野八海
依間小店主要買牛肉串同埋可樂餅，見到排晒長龍，應該味道唔錯的
非常好食想再encore！但係前邊可能有好多好嘢食所以只再買多一個可樂餅就算~~
另外在其他店買咗缺餅~~~
經過咗食街後又到了中心點，即係嗰幾個類似水氹咁樣嘅湖！因為之前都嚟過一次，所以都冇乜興趣睇
依間D串燒揚物好食呀！排咗大約5分鐘隊就買到啦~~~~
上圖係章魚棒，下圖係海鮮棒！一樣好味~~~
接著去今日的第四站-山中湖！上網搵過資料，係有天鵝出沒的！我買咗少許麵包諗住去餵天鵝🦢！
然後再去第六站- 山中湖的超市
這裡有超市和110円店，泊車免運！我哋行咗好耐才離開~~
回酒店途中見到依間Lawson , 即係有富士山做佈景果間！睇吓幾大霧，成座山唔見咗~~~
返到酒店啦，超大霧，但沒有下雨~~~~~
以下是我的豐富晚餐！
依樽富士山酒喺今日左大石公園買的酒！因為包裝好靚，呢個樽會帶返香港作為紀念品~~
飲飽食醉！睇完靚景再浸埋風裏，係時候瞓啦~~~
Day 4完結
留言列表
